Kaupangskirkja var byggð árið 1922 en endurvígð eftir endurbætur árið 1988¹. Í turni kirkjunnar eru tvær kirkjuklukkur sem er handhringt.

Stærri klukkan er 36,5 cm í þvermál að neðan. Öðru megin stendur á henni CERES OF HULL 1870 og hinu megin LECKIE, WOOD & MUNRO. BUILDERS. ABERDEEN. Má slá því föstu að klukkan hafi verið í skipinu Ceres sem smíðað var í Hull og sjósett þann 13. júní 1870. Skv. upplýsingum sem undirritaður fann á vefnum fórst skipið í Kattegat þann 18. nóvember 1882 þegar það var á leið frá Hull til Riga².

Minni klukkan er 29,5 cm í þvermál að neðan og er ómerkt.

Fyrir og eftir messu er stærri klukkunni hringt þrisvar sinnum þrjú slög.

Fyrir og eftir guðsþjónustu á sérstökum hátíðum (s.s. jól, páskar og fermingar) er báðum klukkunum samhringt.

Líkhringing, 7 slög, eru slegin á stærri klukkan við upphaf og lok útfara. Ef aðstandendur óska er einnig hringd líkhringing þegar kista kemur til kirkju eða ef jarðsett er í kirkjugarðinum en jarðsungið frá annarri kirkju.

Hringjari: Hansína María Haraldsdóttir, formaður sóknarnefndar.
Upptaka og ljósmyndir: Guðmundur Karl Einarsson, 23. apríl 2021.
Aðstoð við upptöku: Jón Jóel Benediktsson.