Útskálakirkja var reist á árunum 1861-1862. Þegar hún var byggð voru tvær klukkur  í turni hennar en árið 1886 var skráð í vísitasíu að þriðja klukkan hefði bæst við, hún var þá ný en er án áletrunar. Klukkurnar í dag eru þrjár og eru tvær þeirra eldri hlið við hlið en sú nýjasta hangir þar fyrir ofan.¹

• Stærsta klukkan er 42 cm í þvermál og á henni stendur: GLORIA IN EXCELSO ANNO 1740.
• Mið klukkan er 36 cm í þvermál og á henni stendur: SOLI DEO GLORIA ME FECIT T N C TROSCHELL 1765. Þessi klukka var umsteypt úr annarri eldri klukku sem var rifin.
• Minnsta klukkan er 33 cm í þvermál. Hún er ómerkt en er talin síðan 1886.

Klukkurnar voru rafvæddar árið 2005 og var það Tæknivík í Reykjanesbæ sem annaðist verkið en fyrirtækið smíðaði eigin tölvu til að stýra klukkunum.² Þar sem um gamlar og fremur litlar klukkur er að ræða voru settir hamrar á þær allar og þær sveiflast því ekki.

Fjögur stef eru forrituð í stjórntölvu klukknanna:

• Útskálastef
• Hátíðarhringing
• Útfarahringing
• Stef 4 (er ekki notað)

Hringjari: Jón Hjálmarsson, formaður sóknarnefndar.
Sérstakar þakkir: Sr. Sigurður Grétar Sigurðsson

Upptaka og ljósmyndir: Guðmundur Karl Einarsson
17. mars 2020